حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

صبح کے دھوکے میں پھر شام اٹھا کر لے آئے

غزل| محمد حفیظؔ الرحمٰن انتخاب| بزم سخن

صبح کے دھوکے میں پھر شام اٹھا کر لے آئے

چاہا آغاز تھا انجام اٹھا کر لے آئے

جب پڑا وقت تو سب چھوڑ دیا مال و منال

نقدِ دل اور کچھ الزام اٹھا کر لے آئے

تیرگی جب بھی کبھی مدِ مقابل آئی

اک دیا ہم بھی سرِ شام اٹھا کر لے آئے

جام تک اپنی رسائی جو کبھی ہو نہ سکی

بزم سے دردِ تہِ جام اٹھا کر لے آئے

رات بھر جاگ کے بس آنکھ لگی تھی میری

کیوں مجھے صبح کے ہنگام اٹھا کر لے آئے

دیدنی تھا افقِ دل پہ ستاروں کا ہجوم

ہم وہ منظر بھی لبِ بام اٹھا کر لے آئے

لطف آ جائے جو ماضی کے خزینے سے حفیظؔ

کوئی چپکے سے وہ اک شام اٹھا کر لے آئے

پچھلا کلام | اگلا کلام

شاعر کا مزید کلام

صبح کے دھوکے میں پھر شام اٹھا کر لے آئے