حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

جو بے ثبات ہو اس سر خوشی کو کیا کیجئے

غزل| ن م راشدؔ انتخاب| بزم سخن

جو بے ثبات ہو اس سر خوشی کو کیا کیجئے

یہ زندگی ہے تو پھر زندگی کو کیا کیجئے

رکا جو کام تو دیوانگی ہی کام آئی

نہ کام آئے تو فرزانگی کو کیا کیجئے

یہ کیوں کہیں کہ ہمیں کوئی رہنما نہ ملا

مگر سرشت کی آوارگی کو کیا کیجئے

کسی کو دیکھ کے اک موج لب پہ آ تو گئی

اٹھے نہ دل سے تو ایسی ہنسی کو کیا کیجئے

ہمیں تو آپ نے سوزِ الم ہی بخشا تھا

جو نور بن گئی اس تیرگی کو کیا کیجئے

جہاں غریب کو نانِ جویں نہیں ملتی

وہاں حکیم کے درسِ خودی کو کیا کیجئے

وصالِ دوست سے بھی کم نہ ہو سکی راشدؔ

ازل سے پائی ہوئی تشنگی کو کیا کیجئے

پچھلا کلام | اگلا کلام

شاعر کا مزید کلام

ترے کرم سے خدائی میں یوں تو کیا نہ ملا

جو بے ثبات ہو اس سر خوشی کو کیا کیجئے

میں اسے واقفِ الفت نہ کروں