حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

ایسے کہاں نصیب کہ ہوں ہمکنارِ دوست

غزل| نیازؔ فتح پوری انتخاب| بزم سخن

ایسے کہاں نصیب کہ ہوں ہمکنارِ دوست
قائم رہے کہیں خلشِ انتظارِ دوست
اک گونہ دل کو میرے سکوں ہو چلا تھا پھر
یہ تو نے کیا کیا نگہِ بے قرارِ دوست
سب شکوے دل کے مٹ گئے بس اک جواب میں
اف رے فریبِ وعدۂ نا استوارِ دوست
غربت کے دن بھی کٹ ہی گئے خیر شکر ہے
اچھا ، مرا سلام لے یادِ دیارِ دوست
یاں ہر خلش جنوں کدۂ اضطرابِ دل
واں ہر نگہ کر شمۂ بے اختیارِ دوست
اے واۓ صد ہزار تمنائے مضطرب
خلوت میں بھی وہی ہے فریبِ وقارِ دوست

گو ہم نے لاکھ کام لیا ضبط سے نیازؔ
پہچان ہی گئی نگہِ ہوشیارِ دوست

پچھلا کلام | اگلا کلام

شاعر کا مزید کلام