حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

واقف نہیں تم اپنی نگاہوں کے اثر سے

غزل| خمارؔ بارہ بنکوی انتخاب| بزم سخن

واقف نہیں تم اپنی نگاہوں کے اثر سے

اس راز کو پوچھو کسی بربادِ نظر سے

اک اشک نکل آیا ہے یوں دیدۂ تر سے

جس طرح جنازہ کوئی نکلے بھرے گھر سے

رگ رگ میں عوضِ خوں مے دوڑ رہی ہے

وہ دیکھ رہے ہیں مجھے مخمور نظر سے

اس طرح بسر ہوتے ہیں دن رات ہمارے

اک تازہ بلا آئی جو اک ٹل گئی سر سے

صحرا کو بہت ناز ہے ویرانی پہ اپنی

واقف نہیں شاید مرے اجڑے ہوئے گھر سے

مل جائیں ابد سے مرے اللہ یہ لمحے

وہ دیکھ رہے ہیں مجھے مانوس نظر سے

جائیں تو کہاں جائیں کھڑے سوچ رہے ہیں

اٹھنے کو خمارؔ اٹھ تو گئے ہم کسی در سے

پچھلا کلام | اگلا کلام

شاعر کا مزید کلام

کبھی جو میں نے مسرت کا اہتمام کیا

ایسا نہیں کہ ان سے محبت نہیں رہی

وہ سوا یاد آئے بھلانے کے بعد

اک پل میں اک صدی کا مزا ہم سے پوچھئے

صبح بھی اچھی لگی اور شام بھی اچھی لگی