عبید اللہ علیمؔ

اردو شعر و ادب کا ایک ممتاز نام جناب عبید اللہ علیم 12/ جون 1941ء کو بھوپال میں پیدا ہوئے۔

نام عبید اللہ اور تخلص علیمؔ تھا ، تقسیم ہند کے بعد اپنے والدین کے ہمراہ کراچی پاکستان آباد ہو گئے جہاں انہوں نے اردو میں ایم اے کیا ، بچپن ہی سے شعر و سخن سے شغف تھا ، نوجوانی میں باقاعدگی سے شعر کہنا شروع کیا ، آپ نے پاکستان ٹیلی وژن میں بطور پروڈیوسر ملازمت کی۔

آپ کے شعری مجموعوں میں ’’چاند چہرہ ستارہ آنکھیں‘‘ ، ’’ویران سرائے کا دیا‘‘ اور ’’نگار صبح کی امیدیں‘‘ شامل ہیں ، ان تینوں مجموعہ ہائے کلام پر مشتمل ان کی کلیات ’’یہ زندگی ہے ہماری‘‘ کے نام سے شائع ہو چکی ہے ، دیگر ان کی دو نثری تصانیف ’’کھلی ہوئی ایک سچائی‘‘ اور ’’میں جو بولا‘‘ کے نام سے اشاعت پذیر ہوئی ہے ، آپ کو شعری مجموعہ ’’چاند چہرہ ستارہ آنکھیں‘‘پر آدم جی ادبی انعام بھی حاصل ہوا ہے۔

18/ مئی 1998ء کو آپ کراچی میں وفات پا گئے اور کراچی میں اسٹیل مل کے نزدیک رزاق آباد میں باغ احمد نامی قبرستان میں آسودۂ خاک ہوئے۔

---

عبید اللہ علیمؔ کا منتخب کلام

• کچھ عشق تھا کچھ مجبوری تھی سو میں نے جیون وار دیا
• محبتوں کے یہ دریا اتر نہ جائیں کہیں
• ملے ہو تم تو بچھڑ کر اداس مت کرنا
• عزیز اتنا ہی رکھو کہ جی سنبھل جائے