حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

اک منتظرِ وعدہ کی شمع جلی ہوگی

غزل| علیم مسروؔر انتخاب| بزم سخن

اک منتظرِ وعدہ کی شمع جلی ہوگی
سورج کے نکلنے سے کیا رات ڈھلی ہوگی
بتلائیں ٹھکانا کیا چھوٹے ہوئے گلشن میں
گزرو گے تو دیکھو گے اک شاخ جلی ہوگی
بس ایک تمنا ہو جس کے دلِ ویراں میں
سوچو تو ذرا کتنے نازوں کی پلی ہوگی
نکلے تری محفل سے تو ساتھ نہ تھا کوئی
شاید مری رسوائی کچھ دور چلی ہوگی

کل رات جو میں گزرا اک نور کا تڑکا تھا
مسرورؔ بتاؤ تو وہ کس کی گلی ہوگی

پچھلا کلام | اگلا کلام

شاعر کا مزید کلام