حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

آدھا جیون بیتا آہیں بھرنے میں

غزل| شبنمؔ رومانی انتخاب| بزم سخن

آدھا جیون بیتا آہیں بھرنے میں
آدھی عمر توازن قائم کرنے میں
دنیا تو پتھر ہے پتھر کیا جانے
کتنے آنسو چیخ رہے ہیں جھرنے میں
اک طوفان اور ایک جزیرہ حائل ہے
ڈوبنے اور سمندر پار اترنے میں
آئینہ بے چارہ خود ہے زنگ آلود
بجھ جائے گا چہرہ روشن کرنے میں
اک پُل جوڑ رہا ہے دو دنیاؤں کو
اک پُل حائل ہے جینے اور مرنے میں
مرنے والا دیکھ رہا تھا سب ناٹک
سب مصروف تھے اپنی جیبیں بھرنے میں

پچھلا کلام | اگلا کلام

شاعر کا مزید کلام