حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

دشتِ فرقت میں تری یاد کی آغوش ، غضب

غزل| جاویدؔ جمیل انتخاب| بزم سخن

دشتِ فرقت میں تری یاد کی آغوش ، غضب

لب تھے گویا ترے اور میں ہمہ تن گوش ، غضب

سرسراہٹ تھی محبت کی فقط اور ہم تھے

جس طرف دیکھئے ماحول تھا خاموش ، غضب

یاد کے ہونٹوں پہ رقصاں تھے سریلے نغمے

جسم بے ہوش تھا اور جان تھی مدہوش ، غضب

ایسا لگتا تھا ہر اک خار ہوا ہے معدوم

ایسا لگتا تھا چمن سارا تھا گل پوش ، غضب

منفرد ذائقہ ہر ایک جھلک کا نکلا

میں نے ہر لقمۂ دیدار کیا نوش ، غضب

جلوہ افروز ہوا حسن بھری محفل میں

ہوش میں لگتا نہیں تھا کوئی ذی ہوش ، غضب

ہر نظر تیری طرف تیری نظر میری طرف

سب کو میرے لئے کر ڈالا فراموش ، غضب

جشنِ معراجِ محبت ہے عظیم آج کی رات

درمیاں جتنے تھے پردے ہوئے روپوش ، غضب

کب محبت کے تقاضوں کو فراموش کیا

ہو گیا سارے فرائض سے سبکدوش ، غضب

ایسا لگتا تھا مٹا ڈالے گا مجھ کو جاویدؔ

یادوں کا ایک تلاطم سا تھا پرجوش ، غضب

پچھلا کلام | اگلا کلام

شاعر کا مزید کلام

دشتِ فرقت میں تری یاد کی آغوش ، غضب