حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

بے کیف ہیں یہ ساغر و مینا ترے بغیر

غزل| باقیؔ احمد پوری انتخاب| بزم سخن

بے کیف ہیں یہ ساغر و مینا ترے بغیر

آساں ہوا ہے زہر کا پینا ترے بغیر

کیا کیا ترے فراق میں کی ہیں مشقّتیں

اک ہو گیا ہے خون پسینہ ترے بغیر

جچتا نہیں ہے کوئی نگاہوں میں آج کل

بےعکس ہے یہ دیدۂ بینا ترے بغیر

کن کن بلندیوں کی تمنا تھی عشق میں

طے ہو سکا نہ ایک بھی زینہ ترے بغیر

تو آشنائے شدتِ غم ہو تو کچھ کہوں

کتنا بڑا عذاب ہے جینا ترے بغیر

ساحل پہ کتنے دیدہ و دل فرشِ راہ تھے

اترا نہ پار دل کا سفینہ ترے بغیر

باقیّ کسی بھی چیز کا دل پر اثر نہیں

پتھر کا ہو گیا ہے یہ سینہ ترے بغیر

پچھلا کلام | اگلا کلام

شاعر کا مزید کلام

بے کیف ہیں یہ ساغر و مینا ترے بغیر