حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

خواب کا رشتہ حقیقت سے نہ جوڑا جائے

غزل| ملک زادہ منظورؔ انتخاب| بزم سخن

خواب کا رشتہ حقیقت سے نہ جوڑا جائے
آئینہ ہے اسے پتھر سے نہ توڑا جائے
اب بھی بھر سکتے ہیں میخانے کے سب جام و سبو
میرا بھیگا ہوا دامن جو نچوڑا جائے
ہر قدم مرحلۂ مرگِ تمنا ہے مگر
زندگی پھر بھی ترا ساتھ نہ چھوڑا جائے
آؤ پھر آج کُریدیں دلِ افسردہ کی راکھ
آؤ سوئی ہوئی یادوں کو جھنجھوڑا جائے
ہو وہ توبہ کہ ہو ساغر کہ ہو پیمانِ وفا
کچھ نہ کچھ آج تو میخانے میں توڑا جائے
زلف و رخ آج بھی عنوانِ غزل ہیں منظورؔ
رخ ادھر گردشِ ایام کا موڑا جائے

پچھلا کلام | اگلا کلام

شاعر کا مزید کلام