حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

خوش جمالوں کی یاد آتی ہے

غزل| سکندر علی وجدؔ انتخاب| بزم سخن

خوش جمالوں کی یاد آتی ہے
بے مثالوں کی یاد آتی ہے
باعثِ رشکِ مہر و ماہ تھے جو
اُن ہلالوں کی یاد آتی ہے
جن سے دنیائے دل منور تھی
اُن اُجالوں کی یاد آتی ہے
جن کی آنکھوں میں تھا سرورِ غزل
اُن غزالوں کی یاد آتی ہے
سادگی لا جواب ہے جن کی
اُن سوالوں کی یاد آتی ہے
ذکر سنتے ہی نوجوانی کا
کچھ خیالوں کی یاد آتی ہے
جانے والے کبھی نہیں آتے
جانے والوں کی یاد آتی ہے
وجدؔ لطفِ سخن مبارک ہو
باکمالوں کی یاد آتی ہے

پچھلا کلام | اگلا کلام

شاعر کا مزید کلام