حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

دل کو یوں سیلِ غمِ ہجر بہا لے جائے

غزل| محسؔن نقوی انتخاب| بزم سخن

دل کو یوں سیلِ غمِ ہجر بہا لے جائے

جیسے آندھی کسی پتّے کو اڑا لے جائے

گھر سے نکلے ہو تو دیکھو نہ پلٹ کر کہ تمہیں

جانے کس سمت یہ آوارہ ہوا لے جائے

دل سے لٹ کر بھی سخاوت کی تمنا نہ گئی

کوئی اجڑا ہوا آئے تو دعا لے جائے

خاکِ مقتل میری پوشاک سنبھالے رکھنا

کیا خبر کون یہ بوسیدہ قبا لے جائے

اس سے پہلے کہ خزاں چاٹ لے رنگت میری

میری خوشبو کا اثاثہ تو صبا لے جائے

اس کی زلفوں میں بچھی دھوپ بجھا دے کوئی

یا ہتھیلی سے کوئی رنگِ حنا لے جائے

اپنی سوچوں کے خزانے نہیں چھپتے مجھ سے

کوئی آئے جو مجھے خود سے چرا لے جائے

جس کا دامن بھی محبت سے ہو خالی محسنؔ

ہم غریبوں سے زرِ عہدِ وفا لے جائے

پچھلا کلام | اگلا کلام

شاعر کا مزید کلام

تعزیرِ اہتمامِ چمن کون دے گیا

مانا کہ تیرے دل میں کوئی اور مکیں ہے

کل رات بزم میں جو ملا گل بدن سا تھا

بدن میں اتریں تھکن کے سائے تو نیند آئے

میں خود زمیں ہوں مگر ظرف آسمان کا ہے