نہ خوفِ برق نہ خوفِ شرر لگے ہے ہمیں

جناب ملک زادہ منظور کی مشہور غزل پر مزاحیہ تضمین

ادب کے ایڈیٹ لوگوں سے ڈر لگے ہے ہمیں

اب آدھی رات کو مرغا کرے ہے ککڑوکوں

نظامِ دہر ہی زیر و زبر لگے ہے ہمیں

اُٹھایا جس نے بھی جوتا بڑھایا سر ہم نے

قصور وار بس اپنا ہی سر لگے ہے ہمیں

بہار بمبئی پنجاب یوپی و بنگال

ہر اک علاقے میں خالہ کا گھر لگے ہے ہمیں

کبھی جلن ہے کبھی ٹیس ہے کبھی دھڑکن

تمہارا دل بھی کرائے کا گھر لگے ہے ہمیں