حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

وہ میرے پاس آنا چاہتا ہے

غزل| نعیمؔ اختر خادمی انتخاب| بزم سخن

وہ میرے پاس آنا چاہتا ہے

مگر کوئی بہانہ چاہتا ہے

یوں ہی الجھا نہیں ہے پاؤں میرا

کوئی مجھ کو گرانا چاہتا ہے

سر بازار تجھ کو لانے والا

تری قیمت گھٹانا چاہتا ہے

برابر میں وہ آیا تو میں سمجھا

وہ مجھ سے آگے جانا چاہتا ہے

جنوں تو دیکھ اس تارے کا اے شب

وہ تجھ کو دن بنانا چاہتا ہے

ہوا اس پر نظر رکھے ہے اور وہ

چراغوں کو جلانا چاہتا ہے

نعیمؔ اس کا بگاڑے گا کوئی کیا

خدا جس کو بنانا چاہتا ہے

پچھلا کلام | اگلا کلام

شاعر کا مزید کلام

وہ میرے پاس آنا چاہتا ہے