حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

نکلے وہ پھول بن کے ترے گلستاں سے ہم

غزل| فناؔ بلند شہری انتخاب| بزم سخن

نکلے وہ پھول بن کے ترے گلستاں سے ہم
مہکا دیا فضاؤں کو گزرے جہاں سے ہم
اب تو یہی حریمِ محبت ہے اے صنم
جائیں کہاں اب اٹھ کے ترے آستاں سے ہم
دنیا میں اب کہیں بھی ٹھہرتی نہیں نظر
تجھ سا حسین لائیں تو لائیں کہاں سے ہم
دل لے کے جس نے دردِ محبت عطا کیا
مانگیں گے اب دوا بھی اسی مہرباں سے ہم
دامن میں کچھ تو ڈال دے اپنے کرم کی بھیک
دامن تہی نہ جائیں گے اس آستاں سے ہم
تیرا کرم رہا جو رہِ عشق میں صنم
اک روز آ ملیں گے ترے کارواں سے ہم
لکھی ہوئی تھی قیدِ عناصر نصیب میں
لے کر چلے ہیں اپنا قفس آشیاں سے ہم
راہِ جنوں میں کھلنے لگے عاشقی کہ پھول
ان کے کرم کے سائے میں گزرے جہاں سے ہم

ٹھکرائیں یا نواز لیں وہ ہم کو اے فناؔ
شکوہ کبھی کریں گے نہ اپنی زباں سے ہم

پچھلا کلام | اگلا کلام

شاعر کا مزید کلام