وہ نغمہ بلبلِ رنگیں نوا ک بار ہو جائے

کلی کی آنکھ کھل جائے چمن بیدار ہو جائے

نظر وہ ہے جو اُس کون و مکاں کے پار ہو جائے

مگر جب روئے تاباں پر پڑے بیکار ہو جائے

تبسم کی ادا سے زندگی بیکار ہو جائے

نظر سے چھیڑ دے رگ رگ مری ہشیار ہو جائے

تجلی چہرۂ زیبا کی ہو کچھ جامِ رنگیں کی

زمیں سے آسماں تک عالمِ انوار ہو جائے

تم اُس کافر کا ذوقِ بندگی اب پوچھتے کیا ہو

جسے طاقِ حرم بھی ابر دے خم دار ہو جائے

سحر لائے گی کیا پیغامِ بیداری شبستاں میں

نقابِ رخ اُلٹ دو خود سحر بیدار ہو جائے

نظر اُس حسن پر ٹہرے تو آخر کس طرح ٹہرے

کبھی جو پھول بن جائے کبھی رخسار ہو جائے

کچھ ایسا دیکھ کر چپ ہوں بہارِ عالمِ امکاں

کوئی اک جام پی کر جس طرح سرشار ہو جائے

چلا جاتا ہوں ہنستا کھیلتا موجِ حوادث سے

اگر آسانیاں ہوں زندگی دشوار ہوجائے