مرزا داغؔ دہلوی

جناب مرزا داغؔ دہلوی کا شمار اردو زبان کے تاریخی شعراء میں ہوتا ہے جنہوں نے اپنی شفگتہ و شستہ ، سحر آفرین ، سلیس ، رنگینی اور شوخ سے بھرپور کلام سے اردو شاعری کو بامِ عروج تک پہنچایا ، سونے پر سہاگہ جناب ذوقؔ کی شاگردی اور جناب بہادر شاہ ظفرؔ کی صحبت نے آپ کے فن کو جلا بخشی اور آپ نے اردو زبان کو اس کا صحیح حسن اور نکھار عطا کیا ، آپ کے کلام میں حق گوئی اور خلوص کے ساتھ ساتھ طنز و تعریض کی بھی آمیزش پائی جاتی ہے ۔ کشش حسن ، عشق و محبت کے ساتھ ترنم اور جذبات کا البیلاپن آپ کا فنِ شاعری کا خاصہ ہے ، یہی وجہ ہے کہ ان کو دبیر الدولہ اور فصیح الملک جیسے خطابات سے نوازا گیا ، آپ کی شاگردی کا سلسلہ ہندوستان بھر تک پھیلا رہا جہاں سے اقبالؔ و جگرؔ اور سیمابؔ اکبرآبادی جیسے شعراء نے اردو کے گیسو سنوارنے کا کام کیا۔

آپ کا پورا نام نواب مرزا خان اور تخلص داغؔ ہے اور آپ کی تاریخِ پیدائش 25/ مئی 1831ء بمقام دہلی ہے ، آپ نے1905 ء بمقام حیدرآباد میں وفات پائی۔

تصویر / چنیدہ۔کام

---

مرزا داغؔ دہلوی کا منتخب کلام

• جب کہا اور بھی دنیا میں حسیں اچھے ہیں
• بھویں تنتی ہیں خنجر ہاتھ میں ہے تن کے بیٹھے ہیں
• تماشائے دیر و حرم دیکھتے ہیں
• کس نے کہا کہ داؔغ وفا دار مر گیا
• مجھ سا نہ دے زمانے کو پروردگار دل
• دئے داغ نے امتحاں کیسے کیسے
• تمہارے خط میں نیا اک سلام کس کا تھا
• کعبے کی ہے ہوس کبھی کوئے بتاں کی ہے
• نکال اب تیر سینے سے کہ جانِ پُر الم نکلے
• تم نے بدلے ہم سے گن گن کے لئے
• بت کو بت اور خدا کو جو خدا کہتے ہیں
• عذر آنے میں بھی ہے اور بلاتے بھی نہیں