حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

سرد مہری سے تری دل جو تپاں رکھتے ہیں

غزل| اشکؔ رامپوری انتخاب| بزم سخن

سرد مہری سے تری دل جو تپاں رکھتے ہیں

ہمہ تن برف ہیں آہوں میں دھواں رکھتے ہیں

سیلِ غم آنکھ کے پردے میں نہاں رکھتے ہیں

ناتواں بھی ترے کیا تاب و تواں رکھتے ہیں

فرشِ رہ کس کے لئے ہم دل و جاں رکھتے ہیں

خوبرو پاؤں زمیں پر ہی کہاں رکھتے ہیں

بات میں بات اسی کی ہے سنو تم جس کی

یوں تو کہنے کو سبھی منہ میں زباں رکھتے ہیں

جب سے دشوار ہوا سانس کا آنا جانا

ہم نگاہوں میں جہانِ گزراں رکھتے ہیں

کس سے بے دردئ احباب کا شکوہ کیجے

نام بے تابئ دل کا خفقاں رکھتے ہیں

آنکھ کھولی ہے تو صیاد کے گھر کھولی ہے

ہم قفس پر ہی نشیمن کا گماں رکھتے ہیں

پھول بھی منہ سے جھڑیں بات بھی کانٹے کی رہے

یہ ادا اور سخن ساز کہاں رکھتے ہیں

لوگ روتے بھی ہیں تربت میں لٹا کر اے اشکؔ

اور سینے پہ بھی اک سنگِ گراں رکھتے ہیں

پچھلا کلام | اگلا کلام

شاعر کا مزید کلام

سرد مہری سے تری دل جو تپاں رکھتے ہیں