حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

لا اک خم شراب کہ موسم خراب ہے

غزل| ساغرؔ صدیقی انتخاب| بزم سخن

لا اک خم شراب کہ موسم خراب ہے
کر کوئی انقلاب کہ موسم خراب ہے
زلفوں کو بے خودی کی ردا میں لپیٹ دے
ساقی پئے شباب کہ موسم خراب ہے
جام و سبو کے ہوش ٹھکانے نہیں رہے
مُطرب اٹھا رُباب کہ موسم خراب ہے
غنچوں کو اعتبارِ طلوعِ چمن نہیں
رخ سے اُلٹ نقاب کہ موسم خراب ہے
اے جاں! کوئی تبسّمِ رنگیں کی واردات
پھیکا ہے ماہتاب کہ موسم خراب ہے

پچھلا کلام | اگلا کلام

شاعر کا مزید کلام