حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

وہ بڑھا آگے جب اس جانب سے پسپائی ہوئی

غزل| رشید کوثرؔ فاروقی انتخاب| بزم سخن

وہ بڑھا آگے جب اس جانب سے پسپائی ہوئی

میری نادانی مرے دشمن کی دانائی ہوئی

عمر بھر کی شوخ پروازوں سے تنگ آئی ہوئی

تیتری اک پھول پر آ بیٹھی السائی ہوئی

ہنسنے والوں کی ہنسی پر مسکرا دیتے ہیں ہم

اے زہے نامے کہ میری رہ میں رسوائی ہوئی

دھندلے دھندلے سے افق پر وہ جو پرچھائیں سی ہے

جانے کس کی آتما پھرتی ہے گھبرائی ہوئی

کیوں بتاؤں کس سے رہتی ہیں ملاقاتیں تری

جب سے دنیا کے کرم میں قید تنہائی ہوئی

وقت اس کاغذ کا بندی اور مجھ کو خندہ زن

ہائے یہ تصویر تیرے ساتھ کھنچوائی ہوئی

بھاگ کر دنیا سے گھر کی سمت پھر جاتے ہو کیوں

گھر سے بھاگے تھے تو دنیا میں پذیرائی ہوئی

بے زباں تھے ہم جہاں ہر شخص تھا گرمِ سخن

آخر آخر اپنی خاموشی کی شنوائی ہوئی

اس چتا میں جنم بھومی کو ستی ہونا پڑا

تھے جو اس کے اپنے فرزندوں کی دہکائی ہوئی

رکھ تو دوں اوروں پہ الزامِ شکستِ اعتماد

جب کہ تو اپنے ہی منہ سے راز افشائی ہوئی

اس کھنڈر کے دیوتا کا کچھ بھلا سا نام تھا

تھا صنم خانہ تو صدیوں ناصیہ سائی ہوئی

نزع میں سنیے تو اکبر کے لبوں کا ارتعاش

سب کا شیون صاحبِ عالم کی شہنائی ہوئی

اس کے ہر انداز میں اردو غزل کا رنگ ہے

سُر مدھر ، لہجہ نکیلا ، چال اٹھلائی ہوئی

سات دریاؤں میں میرے نام کا قطرہ نہ تھا

پی رہا ہوں اپنی ہی آنکھوں کی چھلکائی ہوئی

پچھلا کلام | اگلا کلام

شاعر کا مزید کلام

مزاجِ زندگی میں قہر بھی ہے مہربانی بھی

یہ قدم قدم تاَمل یہ تھکے تھکے ارادے

نیرنگیٔ حالات نے یہ دن بھی دکھایا

پینے کا جب مزہ ہے کہ سب کو پلا کے پی

صنم صنم کو تقاضا ہمیں خدا کہئے