وحشت کے اس شور کو مجھ میں مر جانے دے تھوڑی دیر

غزل| عزیز نبیلؔ انتخاب| بزم سخن

وحشت کے اس شور کو مجھ میں مر جانے دے تھوڑی دیر
سوکھ گیا ہے سوچ کا دریا بھر جانے دے تھوڑی دیر
کب تک دشت نوردی یا رب کتنے جنگل کاٹوں گا
اچھا لوٹ کے آ جاؤں گا گھر جانے دے تھوڑی دیر
ٹھنڈی رات اور ماہ دسمبر ٹوٹا پھوٹا میرا گھر
تاریکی میں چھولے آ کر ڈر جانے دے تھوڑی دیر
تیری یاد میں تارے گنتے بیت گئی ہے ساری رات
صبح ہوئی وہ سورج نکلا مر جانے دی تھوڑی دیر
کوئی نیا انداز جفا اے قریۂ جاں کے باشندے
تشنہ آنکھیں جان بہ لب ہیں بھر جانے دے تھوڑی دیر
اس کوچے سے جو بھی گزرے پاگل ہو جاتا ہے نبیلؔ
مجھ کو خبر ہے ساری حقیقت پر جانے دے تھوڑی دیر



پچھلا کلام | اگلا کلام

شاعر کا مزید کلام