وہ سراپا سامنے ہے استعارے مسترد

غزل| ظفرؔ اقبال انتخاب| بزم سخن

وہ سراپا سامنے ہے استعارے مسترد
چاند جگنو پھول خوشبو اور ستارے مسترد
تذکرہ جن میں نہ ہو اُن کے لب و رُخسار کا
ضبط وہ ساری کتابیں وہ شمارے مسترد
کشتیٔ جاں کا ہے رشتہ جب کسی طوفان سے
سب جزیرے رائیگاں سارے کنارے مسترد
اُس کی خوشبو ہم سفر راہِ مسافت میں ہو گر
خواب منظر رہگزر دریا شرارے مسترد
جب کوئی بوئے وفا اُن میں نہیں باقی رہی
ساری سوغاتیں تمہاری خط تمہارے مسترد
خاک و خوں کا دیکھنا ہی جب مقدر ہے ظفرؔ
زندگی کے رنگ سارے سب نظارے مسترد



پچھلا کلام | اگلا کلام

شاعر کا مزید کلام