حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

اپنا سا شوق اوروں میں لائیں کہاں سے ہم

غزل| حسرتؔ موہانی انتخاب| بزم سخن

اپنا سا شوق اوروں میں لائیں کہاں سے ہم
گھبرا گئے ہیں بے دلۓ ہم رہاں سے ہم
کچھ ایسی دور بھی تو نہیں منزلِ مراد
لیکن یہ جب کہ چھوٹ چلیں کارواں سے ہم
ائے یادِ یار دیکھ کہ با وصفِ رنجِ ہجر
مسرور ہیں تری خلشِ ناتواں سے ہم
معلوم سب ہے پوچھتے ہو پھر بھی مدعا
اب تم سے دل کی بات کہیں کیا زباں سے ہم
ائے زہدِ خشک تیری ہدایت کے واسطے
سوغاتِ عشق لائے ہیں کوئے بتاں سے ہم
بیتابیوں سے چھپ نہ سکا حالِ آرزو
آخر بچے نہ اس نگہِ بد گماں سے ہم
پیرانہ سر بھی شوق کی ہمت بلند ہے
خواہانِ کام جاں ہیں جو اس نوجواں سے ہم
مایوس بھی تو کرتے نہیں ز راہِ ناز
تنگ آ گئے ہیں کشمکشِ امتحاں سے ہم
خلوت بنے گی تیرے غمِ جاں نواز کی
لیں گے یہ کام اپنے دلِ شادماں سے ہم
ہے انتہائے یاس بھی اک ابتدائے شوق
پھر آ گئے وہیں پہ جہاں سے چلے تھے ہم
حسرتؔ پھر اور جا کے کریں کس کی بندگی
اچھا جو سر اٹھائیں بھی اس آستاں سے ہم

پچھلا کلام | اگلا کلام

شاعر کا مزید کلام