ہر شئے میں ترا جلوہ ہر شئے میں ترا نغمہ

حمد| اسحٰق حسانؔ انتخاب| بزم سخن

شبنم میں شراروں میں گلشن کی بہاروں میں
صحرا کے نظاروں میں گردوں کے ستاروں میں
منجدھار کے دھاروں میں دریا کے کناروں میں
ہر شئے میں ترا جلوہ ہر شئے میں ترا نغمہ
ساون کی گھٹاوؤں میں مستانہ ہواوؤں میں
جاں بخش فضاوؤں میں کوئل کی صداوؤں میں
بلبل کی نواوؤں میں اور میری دعاوؤں میں
ہر شئے میں ترا جلوہ ہر شئے میں ترا نغمہ
کامل کے کمالوں میں فاضل کے مقالوں میں
شاعر کے خیالوں میں عرفاں کے اُجالوں میں
منطق کے سوالوں میں اور ماہ جمالوں میں
ہر شئے میں ترا جلوہ ہر شئے میں ترا نغمہ


پچھلا کلام | اگلا کلام

شاعر کا مزید کلام