اک معجزے سے کم نہیں ہجرت رسول کی


06-02-2016 | اسحاق حسانؔ

اک معجزے سے کم نہیں ہجرت رسول کی

اعداء کے درمیاں تھی حفاظت رسول کی

شق القمر کا معجزہ ۔۔۔ دنیا پہ ہے عیاں

کس درجہ مستند ہے ۔۔۔ نبوت رسول کی

کاٹا گیا ۔۔۔ رئیسۂ مکہ ۔۔۔ کا ہاتھ بھی

تھی کتنی پُرجلال ۔۔۔۔ عدالت رسول کی

اس کے بغیر دعوئے  ایماں فضول ہے

لازم ہے مومنوں پہ ۔۔ اطاعت رسول کی

اس سے بڑا حکیم ، نہ آیا جہان میں

ہر امر میں عجیب۔۔تھی حکمت رسول کی

تاریخ کو ہے قائدِ بدر و احد پہ ناز

واللہ بے مثال تھی ۔۔ جرأت رسول کی

 

حسّانؔ علم و فہم و فراست کی شکل میں

بٹتی ہے کائنات میں دولت رسول کی




پچھلا صفحہ | اگلا صفحہ



شاعر کا مزید کلام
اک معجزے سے کم نہیں ہجرت رسول کی
نور کس کا ہے چاند تاروں میں
دینِِ حق مشکلوں میں پلتا ہے
شبنم میں شراروں میں گلشن کی بہاروں میں