حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

مرے خیال سے لَو دے اٹھی ہے تنہائی

غزل| ناصرؔ کاظمی انتخاب| بزم سخن

مرے خیال سے لَو دے اٹھی ہے تنہائی

شبِ فراق ہے یا تیری جلوہ آرائی

تو کس خیال میں ہے منزلوں کے شیدائی

اُنہیں بھی دیکھ جنہیں راستے میں نیند آئی

ٹہر گئے ہیں سرِ راہ خاک اڑانے کو

مسافروں کو نہ چھیڑ ائے ہوائے صحرائی

رہِ حیات میں کچھ مرحلے تو دیکھ لئے

یہ اور بات تری آرزو نہ راس آئی

یہ سانحہ بھی محبت میں بارہا گذرا

کہ اس نے حال بھی پوچھا تو آنکھ بھر آئی

دلِ فسردہ میں پھر دھڑکنوں کا شور اٹھا

یہ بیٹھے بیٹھے مجھے کن دنوں کی یاد آئی

میں سوتے سوتے کئی بار چونک چونک پڑا

تمام رات ترے پہلوؤں سے آنچ آئی

جہاں بھی تھا کوئی فتنہ تڑپ کے جاگ اٹھا

تمام ہوش تھی مستی میں تیری انگڑائی

کھلی جو آنکھ تو کچھ اور ہی سماں دیکھا

وہ لوگ تھے نہ وہ جلسے نہ شہرِ رعنائی

وہ تابِ درد وہ سودائے انتظار کہاں

اُنہی کے ساتھ گئی طاقتِ شکیبائی

پھر اُس کی یاد میں دل بے قرار ہے ناصرؔ

بچھڑ کے جس سے ہوئی شہر شہر رسوائی

پچھلا کلام | اگلا کلام

شاعر کا مزید کلام

مرے خیال سے لَو دے اٹھی ہے تنہائی

ہوتی ہے تیرے نام سے وحشت کبھی کبھی

دل میں اک لہر سی اٹھی ہے ابھی

بے گانہ وار اُن سے ملاقات ہو تو ہو

نیتِ شوق بھر نہ جائے کہیں