حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

اے زہے مرتبہ و شان رسول عربیؐ

نعت| مخمورؔ سعیدی انتخاب| بزم سخن

اے زہے مرتبہ و شان رسول عربیؐ
خود خدا بھی ہے ثنا خوان رسول عربیؐ
دیکھ سکتی ہے نظر جلوۂ عرفانِ خدا
دل کو ہو جائے جو عرفانِ رسول عربیؐ
بندگی میں بھی وہ آزادیٔ انساں کے امیں
کسی نے دیکھے ہے غلامانِ رسول عربیؐ
اُن کے مرہونِ کرم ہم سے گنہگار بھی ہیں
کسی قدر عام ہے فیضانِ رسول عربیؐ
ہم کو خورشیدِ قیامت کا نہیں ڈر کوئی
ہم پہ ہے سایۂ دامان رسول عربیؐ
دولتیں کون و مکاں کی ہیں انہی کو تو نصیب
وہ جو ہیں بے سر و سامان رسول عربیؐ
سادہ لفظوں میں ہے اظہارِ عقیدت مخمورؔ
کب مرے شعر ہیں شایان رسول عربیؐ

پچھلا کلام | اگلا کلام

شاعر کا مزید کلام