حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

موزوں کلام میں جو ثنائے نبی ہوئی

نعت| مولانا ابوالکلام آزادؔ انتخاب| بزم سخن

موزوں کلام میں جو ثنائے نبی ہوئی
تو ابتدا سے طبع رواں منتہی ہوئی
ہر بیت میں جو وصفِ پیمبر رقم کئے
کاشانۂ سخن میں بڑی روشنی ہوئی
ظلمت رہی نہ پرتوِ حسنِ رسول سے
بیکار اے فلک شبِ مہتاب بھی ہوئی
ساقیٔ سلسبیل کے اوصاف جب پڑھے
محفل تمام مست مۓ بے خودی ہوئی
تاریک شب میں آپ نے رکھا جہاں قدم
مہتابِ نقش پا سے وہاں روشنی ہوئی
سالک ہے جو کہ جادۂ عشقِ رسول کا
جنت کی راہ اس کے لئے ہے کھلی ہوئی

آزادؔ اور فکر جگہ پائے گی کہاں
الفت ہے دل میں شاہِ زمن کی بھری ہوئی

پچھلا کلام | اگلا کلام

شاعر کا مزید کلام